广东
分享至
44 岁童星出身嘅唐宁，2022 年已经移居纽西兰。 早前佢卷入官司，被前经理人公司入禀高等法院控告违约。入禀状入面爆出消息，指唐宁有严重抑郁症同 B 型人格障碍特质，曾经情绪失控、自残，令好多网友好担心佢嘅精神状态。
不过之后唐宁亲自拍片出镜，面色红润，气色好好，童颜都保养得好，打破消沉嘅传闻。
佢嘅好闺蜜蒋祖曼，出席 TVB 新剧宣传嘅时候，都被问到唐宁单官司传闻。
Joman 一心护友，唔讲好友私事，但就安心同大家讲：「佢嘅嘢就唔特别去讲，但係佢 OK 嘅，多谢大家关心。」
近日唐宁喺 IG Story 连发两个帖文，一个之内接连失去两位挚友，再一次面对无常。
黑底白字写住： 「一个月内有两个朋友离开了，再一次面对『无常』。 愿在世嘅每一位，好好过每一天，你永远都唔会知道，那一面系最后一面？那一天系最后一天？」
之后佢再贴一张天空彩虹相，话朝早整早餐，一抬头就见到彩虹： 「我喺度微笑住睇，系你哋吗？我相信你哋喺嗰一头亦都微笑住吧！ 有一天，那边再见」
一边承受离别伤痛，一边又带住豁达去送别朋友，睇到好感慨。 生命真系好脆弱，好好珍惜身边人❤️
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
